मनोगत

प्रिय विद्यार्थ्यांनो,

आपल्या समाजातील सर्वात असुरक्षित घटक म्हणजे लहान मुले. त्यांच्या संरक्षणासाठी आणि संभाव्य छळ व लैंगिक अत्याचारांविषयी त्यांना जागरूक करण्याच्या उद्देशाने हे पुस्तक तयार करण्यात आले आहे. हा विषय मुलांना सोप्या व रंजक पद्धतीने समजावा, ही आमची प्राथमिकता आहे.

गुन्हेगारी रोखण्यामध्ये समाजाची भूमिका महत्त्वाची आहे. जालना पोलिसांनी राबवलेल्या विविध समुदाय पोलीसिंग उपक्रमामुळे आम्हाला मुलांचे मानसिक व भावविश्व अधिक चांगल्या प्रकारे समजले आणि त्यांचे संरक्षण करण्याबाबत नवी दृष्टी मिळाली. या अनुभवातून प्रेरित होऊन आम्ही हे पुस्तक तयार केले आहे, जे गुन्हे रोखण्यासाठी आणखी एक पाऊल ठरेल.

या पुस्तकाविषयी तुमच्या सर्व प्रतिक्रिया आम्ही स्वागतार्ह मानतो. पुढील पानांवर फीडबॅकसाठी QR कोड, ज्ञान तपासण्यासाठी प्रश्नमंजुषा आणि संबंधित विषयांवर अधिक माहिती मिळवण्यासाठी काही उपयुक्त लिंक्स दिलेल्या आहेत.

आपला
आयुष नोपानी (IPS)
अपर पोलीस अधीक्षक, जालना