जालना पोलिसांनी जिल्ह्यातील शाळकरी मुलांसाठी, विशेषतः मुलींसाठी तीन दिवसांचे स्व-संरक्षण शिबिर सुरू केले आहे. या शिबिराचा मुख्य उद्देश मुलांना मूलभूत स्वसंरक्षण तंत्रे शिकवणे आहे. ही शिबिरे शाळा व महाविद्यालयांमध्ये प्रमाणित व तज्ज्ञ प्रशिक्षकांच्या मार्गदर्शनाखाली आयोजित केली जातात. यामध्ये चांगला स्पर्श वाईट स्पर्श, POCSO कायदा, सायबर गुन्हे यांसारख्या महत्त्वाच्या विषयांवरही मार्गदर्शन केले जाते.

या शिबिरांमुळे विद्यार्थ्यांमध्ये, विशेषतः मुलींमध्ये आत्मविश्वास वाढल्याचे दिसून आले आहे. तसेच, शाळकरी मुलांमध्ये पोलिसांविषयी विश्वास निर्माण होण्यास मदत झाली आहे. या उपक्रमाने विविध सुरक्षा विषयांबाबत जागरूकता निर्माण करण्यास हातभार लागला असून, समाजाभिमुख पोलिसिंगच्या खन्या उद्देशाला चालना मिळाली आहे.